Кино санал: My blueberry nights

Блогийнхоо нэрний санааг авсан дуртай киноныхоо талаар блогоо эхлүүлий гэж бодлоо. Уг кино анх 2007 онд Франц, Хятад найруулагчдын хамтын ажиллагаагаар гарсан гэж википедиа дээрээс харлаа. Анх сонсоход амтлаг, өвөрмөц нэрнээс гадна миний хамгийн хайртай дуучин Norah jones гол дүрд нь тоглож, өөр нэгэн гол дүрд нь бас л миний дуртай эмэгтэй жүжигчдийн  нэг болох Natalie portman тоглосон гэх шалтгаануудаар анхаарлыг маань асар их татаж байлаа. гэхдээ яагаад ч юм би энэ киног бүтээгдсэнээс нь хойш бүхэл бүтэн 8 жилийн дараа л үзэх шив (яагаад гэдгийг нь урлагийн тэнгэр Янжинлхам бурхан л мэдэж магаддаа).
Өөр нэг гол дүрд нь бас л давгүй сайн жүжигчдийн нэг Jude Law тогложээ (тиймээ залуу минь чи ажлаа сайн хийсэн).